分享自己經歷嘅第一集,首先會講述自己英國留學及工作嘅經歷,詳情聽返第27集!
不過喺呢到都有少少嘢補充~
喺 EP27冇提及嘅係英國本地學生嘅
獨立程度,佢哋好多喺 high school嘅時候
已經開始做自己感興趣行業嘅實習,或者自己出嚟打工儲讀大學嘅錢。
比較少依賴屋企。個人覺得咁樣自己負責自己人生嘅感覺幾 jeng。都聽過朋友嘅經歷由細到大都係走父母舖好嘅路,去外國讀書先發現原來想自己掌握返自己嘅人生,入咗電影業,跟到大導演嘅 crew。但係父母完全放飛,感覺作為仔女又冇乜方向。父母真係唔易做。暫時感覺比較好嘅係讓仔女保持對世界嘅好奇,同埋provide佢探索世界嘅guidance。幾歲嘅時候拖住佢隻手仔,帶佢見識唔同嘢。大啲嘅時候指啲方向俾佢參考。再大啲嘅時候打開雙手俾佢知道背後有避風巷。
另外英國人真係完全冇儲錢習慣同超中意旅行。之前我問同事佢哋點儲錢,之後佢勁dramatic咁同我講:「吓,我哋唔儲㗎!冇咪打俾啊爸阿媽🤣。」首先佢哋稅要交得多,其次就係退休福利好,唔使儲錢養老,另外英國階級固化,係真係可以食父母本。都幾有趣。同埋佢哋次次見面都係講travel plan,有假一定飛咗,去第二個國家上山camping都有,可見佢哋真係唔會放工作喺自己人生入面嘅第一。
分享住咁多先!覺得知多咗幾有趣嘅俾個like。想知更多我個人嘅經歷就聽podcast啦!未follow就follow啦❤️。
view more