چاوی واشنتۆن: ئۆکرانیا و جیهان - ی مانگی پـێنج ٠٦, ٢٠٢٢

جارێکی تریش سەرۆکی ئەمەریکا بڕیاری ڕاگرتنی ئەم شەڕە سەپێندراوەی ڕوسیا بەسەر ئۆکرانیادا دەخاتەوە ئەستۆی ڤلادیمیر پوتن. دوای سەردانەکەی هەفتەی ڕابردووی بۆ مۆسکۆ سکرتێری گشتی یو ئێنیش باسی لەوە کرد تەنانەت ئەگەر چەندان کۆبوونەوەی تریش بکرێت، تا سەرۆکی ڕوسیا بڕیار نەدات ئەوا ئەم شەڕە کۆتایی پێنایەت. جیهانی ڕۆژئاوا بە گشتی و ئەمەریکاش بەتایبەتی لەگەڵ ئەو سزایانەی سەپاندویانەتە سەر ڕوسیا، دەشخوازن لە بواری سیاسیشدا حکومەتی ڕوسیا لە پەراوێز بنرێت و دوریش بخرێتەوە لە کۆبوونەوە گرنگەکانی جیهان.