Lýðræði

Í þættinum ætlum við að fjalla um risastórt hugtak sem skiptir okkur öll miklu máli, lýðræði. Hvað er lýðræði og hvað er þá lýðveldi? Hvað tryggir lýðræði okkur? Hvernig þróaðist lýðræði á Íslandi og hvenær urðum við lýðveldi? Svo ætlum við að heyra aðeins af forsetunum okkar. Við fjöllum um hvað hugtökin lýðræði, lýðveldi, beint lýðræði, fulltrúa lýðræði, þingræði, þingbundin konungsstjórn, forsætisráðherra, forseti, konungur og drottning þýða. Svo það er óhætt að segja að við verðum margs fróðari eftir þáttinn í dag. Svo getið þið athugað hvort það sé beint lýðræði eða einræði inni á ykkar heimili - hver velur t.d. hvað er í matinn? Fá allir að segja sína skoðun eða ræður alltaf sá sami? Hvort finnst ykkur betra? Ætti kannski bara að kjósa í kvöldmatarnefnd? Sérfræðingur þáttarins er: Stefanía Óskarsdóttir