Cada 16 de març, òm a una pensada pels Cremats de Montsegur. Es lo 16 de març de 1244 que mai de 200 bons crestians foguèron escampats al lenhièr. Aquel episòdi tragic es admés pels istorians coma marcant la fin de la crosada contra los « Albigeses ». Lo movement occitanista a causit de ne far un moment simbolic per soscar e pensar a las motivacions escuras (totjorn d’actualitat) que menèron al sèti de Montsegur atal coma la crosada dins son ensemble. Ongan, las associacions occitanistas derògan pas a la règla amb un recampament que durarà tota la jornada, pontuat de moments de reculhiments, de reflexion mas tanben de fèsta. Joan-Francés Laffont, president de Convergéncia occitana nos a detalhat lo debanament d’aquel 16 de març de 2024, que marcarà los 820 ans de la presa de Montsegur.
Soutenez-nous sur Patreon !
Create your
podcast in
minutes
It is Free