Thiruvalluvarum Thirukkuralum திருவள்ளுவரும் திருக்குறளும்

அமெரிக்கத் தமிழ் வானொலியில் வாரந்தோறும் ஒலிபரப்பாகும் "திருக்குறள் சிந்தனைகள்" நிகழ்ச்சியில், திருமிகு முனைவர் இர.பிரபாகரன் அவர்களின் "திருவள்ளுவரும் திருக்குறளும்" பற்றிய சிறப்புரை. In the weekly sequel program "Thirukkural Thoughts" from American Tamil Radio that talks about Thirukkural way of lifestyle, written and narrated by Dr. R.Prabhakaran from Maryland, this one is about Thiruvalluvarum Thirukkuralum. You can read the articles of Dr.R.Prabhakaran at his blogspot https://thirukkuralkatturaikal.blogspot.com/ site. புத்தர், மகாவீரர், சாக்ரடீஸ், கன்ஃபூசியஸ் போன்ற தத்துவஞானிகளின் வரிசையில் திருவள்ளுவரும் ஒருவர். திருவள்ளுவர் ஏறத்தாழ இரண்டாயிரம் ஆண்டுகளுக்குமுன் தமிழ் நாட்டில் பிறந்து வாழ்ந்தார். அவருடைய வாழ்க்கை, குடும்பம், தொழில் போன்றவற்றைப் பற்றி நம்பத்தகுந்த செய்திகள் எதுவும் நமக்குக் கிடைக்கவில்லை. திருவள்ளுவர் திருக்குறளை எழுதினார் என்பது மட்டுமே உறுதியாகக் கூறமுடிகிறது. திருவள்ளுவமாலை என்ற நூலில் பல புலவர்கள் திருக்குறளைப் புகழ்ந்து பாடியுள்ளார்கள். பல நூல்களில் திருக்குறளிலிருந்து மேற்கோள்கள் காட்டப்பட்டிருக்கின்றன. ஆல்பர்ட் ஸ்வைட்சர், லியோ டால்ஸ்டாய், மகாத்மா காந்தியடிகள், மற்றும் பலரும் திருக்குறளைப் புகழ்ந்துள்ளனர். விவிலியத்திற்கும் திருக்குர்ரானுக்கும் அடுத்தபடியாக அதிகமான மொழிகளில் மொழிபெயர்க்கப்பட்டுள்ள நூல் திருக்குறள். பகவத் கீதை, மனுஸ்மிருதி, அர்த்த சாஸ்திரம் மற்றும் காமசூத்திரா ஆகிய நூல்களில் உள்ள கருத்துக்கள்தான் திருக்குறளில் இருப்பதாக சிலர் தவறாகக் கூறுகிறார்கள். திருக்குறளுக்கு உள்ள பல உரைகளுள், பரிமேலழகரின் உரை சிறத்ததாகக் கருதப்படுகிறது. ஆனால், அவர் உரையில் சமயம், வருணாசிரமம் ஆகியவற்றின் தாக்கம் அதிகமாகக் காணப்படுகிறது. மூதறிஞர் வ. சுப. மாணிக்கம் “வள்ளுவம்” என்ற நூலில், திருக்குறளைக் கற்பது மட்டுமல்லாமல் அதைப் பின்பற்ற வேண்டும் என்ற கருத்தை வலியுறுத்துகிறார். --- Support this podcast: https://podcasters.spotify.com/pod/show/americantamilradio/support