In the weekly sequel program "Thirukkural Thoughts" from American Tamil Radio that talks about Thirukkural way of lifestyle, written and narrated by Dr. R.Prabhakaran from Maryland, this one is about Pennin Perunthakka Yaavula. You can read the articles of Dr.R.Prabhakaran at his blogspot https://thirukkuralkatturaikal.blogspot.com/ site. சங்க காலத்தில் தமிழ்ப் பெண்கள் அறிவிலும், ஆற்றலிலும், வீரத்திலும் சிறந்து விளங்கியதற்குப் பல சான்றுகள் உள்ளன. சங்க காலத்தில் மட்டுமல்ல இன்றும் நமது பெண்கள் அறிவிலும், ஆற்றலிலும், வீரத்திலும் சிறந்து விளங்குகிறார்கள். பெண்களுக்கு இன்றியமையாத ஒழுக்கம் கற்பு. கற்பு என்ற மனவுறுதி இருந்தால், அதைவிட மேலான தகுதிகள் வேறு எவையுமில்லை. பெண்கள் தங்கள் கற்பைத் தாங்களேதான் காப்பாற்றிக்கொள்ள வேண்டும். சிறையில் அடைத்து வைப்பதுபோல் அவர்களை வீட்டில் அடைத்துவைத்துக் கண்காணிப்பதனால் எந்தப் பயனுமில்லை. குடும்பத்திற்கு ஏற்ற நற்குண நற்செய்கைகளோடு இருப்பது மட்டுமல்லாமல், மனைவி தன்னுடைய கணவனின் வருவாய்க்குத் தகுந்த முறையில் குடும்பச் செலவுகளைக் கண்காணிப்பதிலும் கவனம் செலுத்த வேண்டும். ஒருபெண் தன் குடும்பத்தினருக்கு உதவியாகப் பல பணிகளைச் செய்ய வேண்டுமென்றால், முதலில் அவள் தன் உடல் நலத்தைக் காப்பாற்றி மனவுறுதியுடன் இருக்க வேண்டும். அவள் தன் புகழையும் தன் குடும்பதினரின் புகழையும் காப்பதில் சோர்வில்லாதவளாகவும் இருக்க வேண்டும். ஒருவனுடைய மனைவி நற்குண நற்செய்கைகள் உடையவளானால் அவனிடம் இல்லாதது எதுவுமில்லை. அந்த மனைவி நற்பண்புகள் உடையவளாக இல்லையென்றால் அவனிடத்தில் எது இருந்தும் பயனில்லை. நற்குண நற்செய்கைகளை உடையவனைக் கணவனாகப் பெற்றால், அவன் மனைவி தேவர் உலகில் வாழ்வதைப் போன்ற பெருஞ்சிறப்பைப் பெறுவாள். புகழை விரும்பும் குடும்பம் இல்லாதவன் தன்னை இகழ்வார்முன் ஏறுபோல் இறுமாப்புடன் நடக்க முடியாது. தெய்வத்தைத் தொழாமல், கணவனைத் தொழுது எழும் மனைவி, “பெய்” என்று கூறினால் மழை பெய்யும் என்று வள்ளுவர் கூறுகிறார். கணவனை மதித்து வாழும் பெண் மிகுந்த பெருமைக்குரியவள் என்பதை வலியுறுத்துவதற்காக உயர்வு நவிற்சியாகவும் இவ்வாறு வள்ளுவர் கூறியிருக்கலாம். மனைவியின் நற்குண நற்செய்கைகள் இல்வாழ்க்கைக்கு அழகு. நன்மக்களைப் பெறுவது அந்த அழகுக்கு மேலும் அழகுசெய்யம் அணிகலனாக அமையும் என்பது வள்ளுவரின் கருத்து. முடிவாக, நற்குணங்கள் நிறைந்த மனைவி ஒரு குடும்ப விளக்கு.
---
Support this podcast: https://podcasters.spotify.com/pod/show/americantamilradio/support
view more