Todobaadkaan #TubtaNabadda, waxaan diiradda ku saareynaa qaybta labaad ee Ergayga gaarka ah ee Xoghayaha guud ee Qaramada Midoobay u qaabilsan Soomaaliya James Swan oo kulan su’aalo weyndiin ah dhalinyaro Soomaaliyeed kula yeeshay barta internetka ee Clubhouse.
James Swan, ayaa ka jawabay su’aalo la xariiray kaalmada Q.M ee Soomaaliya, arrimaha siyaasadda iyo bini’aadanimada, geeddi soodka siyaasadda dalka, hannaanka doorashada, arrimaha dhalinyarada iyo qoondada haweenka ee ka qaybgalka siyaasadda. Mowduucyada kale ee uu ka hadlay waxaa ka mid ah nidaamka federalismka, hadalada nacaeybka xambaarsan, baaritanaada Q.M ee weerarada Dorooniska Mareykanka ee Soomaaliya iyo taageerada Q.M ee dadka iyo dowladda Soomaaliyeed ee wax ka qabashada cudurka COVID-19.
Barnaamijka waxaa daadihinaayo Cali Guutaale iyo Fatxi Max’ed. Waad ka falcelin kartaa barnaamijka adigoo nala wadaagaya aragtidaada. Soo wac idaacada aad ugu jeceshahay si fikradaada noola wadaagtid ama ka aragti dhiibo baraha bulshada.
Ka dhageyso barnaamijka Radio Muqdisho, Radio Kulmiye KNN, Radio Baydhaba, SBC Radio, Radio Cadaada, Radio Risaala, Radio Dalsan, Radio HiranWeyn, Radio Galgaduud iyo Radio Kismaayo. Si aad qayb uga noqoto barnamaijka waxaad wici kartaa idaacadaha, oo nala wadaag aragtidaada. Hadii uu ku seegay barnaamijkan halkaan ayaad ka dhageysan kartaa wakhti walba. waxaad sdoo kale ka helikartaa Podcast qybtaan iyo qaybaha kaleba iTunes (apple.co/2xbk78c), Stitcher (bit.ly/2x9djbd) (bit.ly/2kljcZJ).
view more