Emisyon Eritye Papa Desalin pou lendi 26 avril 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Jodi a fè 58 lannen depi masak rejim Duvalier 26 avril 1963 kote makout ak lame te sasinen omwen 73 inosan epi 35 lannen depi lame te masakre popilasyon an ki t ap manifeste devan Fò Dimanch 26 avril 1986

Ranmase sou Vandredi Anba Tonnèl pou Vandredi 23 avril 2021 ak sè nou Fabyèn Yasent

Levanjil Liberasyon an ak frè nou Prince Tiecoura Dorleans Dessalines

Mobilizasyon nan kad aktivite Koalisyon Leve Kanpe pou Ayiti: KOMOKODA ap manifeste madi 4 me, 11am-2pm devan Konsila Lafrans nan NY la: 934 5yèm Avenue, ant 74yèm ak 75yèm Streets nan Manhattan

Repòtaj frè nou Raymond Dugue nan manifestasyon pou selebre 67yèm anivèsè prizonye politik Mumia Abu Jamal samdi 24 avril ki sot pase a nan Philadelphia

Nouvèl:
-Refleksyon nou sou rapò "Killing with Impunity" Harvard Law School International Human Rights Clinic ak Observatoire Haïtien des crimes contre l'humanité pibliye pou demontre responsabilite leta PHTK a ak PNH la nan divès masak ki fèt nan katye popilè yo
-Ti komik Boniface Alexandre deklare fanm yo ak jèn yo nan peyi a se engra yo ye daprèzavwa yo bat chalbari deyè pwojè referanndòm konstitisyon pèpè Meriken-PHTK a
-Gouvènman PHTK a kontinye ap chache pase moun nan betiz: Yo di yo inogire yon lopital nan Bawon k apral bay tout kalte sèvis 24 sou 24

Ti koze ak Darnell Benoit ki se responsab Flanbwayan Haitian Literacy Project sou 16yèm anivèsè òganizasyon an ak inisyativ bous detib pou yo ranmase $12,000 nan kominote a pou ede 6 jèn Flanbwayan yo konplete lajan kolèj yo

Liy ouvè ak oditè yo

Nou bay lis Ayisyen lame Ayiti te sasinen devan Fò Dimanch 26 avril 1986 epi Ayisyen makout ak lame te sasinen 26 avril 1963