Emisyon Eritye Papa Desalin pou jedi 17 novanm 2022

Entwo

Nou salye fanmi k ap koute yo

Mobilizasyon pou manifestasyon KOMOKODA devan jounal Haiti Liberté Vandredi 18 novanm 2022, 3pm-6pm pou n al denonse mannèv jounal sila a pou fè asasen kriminèl Jimmy Cherizier alyas Babekyou pase pou revolisyonè k ap batay pou pèp

Segman Fanm Ayisyen pou Refijye Ayisyen ap fè chak jedi sou imigrasyon epi vyolans k ap fèt sou fanm ak sè nou Taina Exant

Repòtaj espesyal Kay Vwazen nan Kiba ak frè nou Hilario Batista ki fè yon ti kout pye nan pwovens Guantanamo; Hilario pale ak frè nou Francisco ki se responsab nan òganizasyon Desandan Ayisyen nan Guantanamo

Nouvèl:
-Ansyen polisye Abelson Grosnegre ki te responsab nan sendika SPNH-17 la rele anmwe pou vyolans gang ap fè nan zòn Savann Pistach nan Kafou Fèy
-Ansyen Minis Dizyèm Edwin Paraison denonse represyon ak agresyon Ayisyen ak moun ki "sanble" ak Ayisyen ap sibi nan Repiblik Dominikèn
-Donald Trump deklare l kandida pou prezidan Etazini pou eleksyon 2024 la
-Repibliken yo pran kontwòl chanm depite Meriken an. Apre 20 an nan djòb chèf depite Pati Demokrat yo nan chanm depite a, Pelosi anonse li pa p kandida pou djòb sa a ankò, Bravo Antoine Adan

Nou li lèt toulouvri ansyen kolaboratè jounal Haiti Liberté Morisseau Lazarre voye bay Kim Ives pou denonse travay sal jounal li a ap fè sou dosye Babekyou a ki pibliye jodi a nan ajans nouvèl anliy Boukan News

Nou fè yon ti koze ak konpatriyòt Joel Leon ki se responsab Boukan News ki limenm tou li te ekri yon atik nan mwa jiyè a pou l mande èske Kim Ives se reprezantan entènasyonal gwoup gang G9 la

Nan okazyon 219yèm anivèsè Batay Vètyè a, emisyon Eritye Papa Desalin jete dlo pou Vanyan nou yo ki te rive fè kokenn viktwa sila a nan Vètyè 18 novanm 1803

Liy ouvè ak oditè yo