Emisyon Eritye Papa Desalin pou lendi 5 desanm 2022

Entwo

Nou salye fanmi k ap koute yo

Mesaj KOMOKODA sou trak òganizasyon "Haitian Diaspora Federation" ak "Haiti Diaspora 360" pou yon konferans 16 desanm 2022 nan North Miami Senior High School ak Manman Gang Helen Lalime k ap sikile nan lari a

Son konpatriyòt Jean Beliard Lucien nan emisyon Fòk Sa Chanje nan Radyo Pa Nou yè ki t ap denonse jounal Haiti Liberté ak mèt jounal la Kim Ives k ap chache fè asasen kriminèl, chèf gang PHTK Babekyou pase pou revolisyonè

Refleksyon nou pou ankouraje kominote a kontinye boude jounal lawont sila a epi sou moun yo ki rele tèt yo militan revolisyonè, kominis ak konviksyon ki pa gen kouraj ak kolonn vètebral pou yo kanpe piblikman anfas jounal Haiti Liberté

Levanjil Liberasyon ak frè nou Prince Tiecoura Dorleans Dessalines

Nouvèl:
-Sanksyon Kanada ak Etazini yo ap kontinye; Jodi a Kanada frape Bigio, Reynold Deeb, ak Sharif Abdalah; Vòlè k ap akize vòlè!
-Ansyen anbasadè Meriken Pamela White ekri nan jounal Washington Post pou l mande sekou pou Ayiti
-Ansyen anbasadè Meriken James Foley, limenm ki te fè koudeta 2004 la ekri nan Politico pou l mande sekou prese prese pou Ayiti epi pou l deklare sipò li pou Akò Montana a
-Twitter ap kolabore ak jounalis Matt Taibbi pou mete dosye kase fèye kouvri sa k te fèt sou dosye laptop Hunter Biden nan deyò
-Prezidan Nijeria a Msye Buhari rele anmwe parapò ak kantite zam Meriken ak bizawèl li yo voye nan Ikrèn k ap fè lòbèy lakay li ak lòt kote sou kontinan Afriken an
-Jedi k sot pase a ansyen espyon Meriken Edward Snowden prete sèman kòm sitwayen Larisi kote l ap viv depi ane 2013

Liy ouvè ak oditè yo