Emisyon Eritye Papa Desalin pou madi 7 mas 2023

Entwo

Nou salye fanmi k ap koute yo epi nou ankouraje yo sipòte emisyon an

Mobilizasyon pou manifestasyon KOMOKODA devan Konsila Kanada jedi 9 mas 2023, 3pm-6pm

Nou remèsye oditè yo ki kenbe men ak emisyon an epi nou ankouraje yo kontinye kenbe men ak emisyon Eritye Papa Desalin

Repòtaj Kay Vwazen nan Repiblik Dominikèn ak sè nou Altagracia Jean Joseph

Nouvèl:
-Gwo manifestasyon ap bwase jodi a nan peyi Lafrans pou bloke mannèv gouvènman Macron an pou yo ogmante laj pou moun k ap travay pran retrèt yo
-Jounal NY Times pibliye yon rapò pou di jounalis Seymour Hersh te fè erè nan envestigasyon li ki te lonje dwèt sou gouvènman Meriken an ki ta eklate liy gaz Larisi ki te pote gaz bay Lewòp; Yo di se ta yon gwoup Ikrenyen ame ki pa ta gen okenn koneksyon ak gouvènman Zelensky a ki ta fè zak la
-6 sòlda Pewouvyen mouri nan yon rivyè nan yon zòn kote Prezidan Pedro Castillo popilè anpil
-Nouvo videyo ki te fèt anndan bilding "Capitol" Meriken an 6 janvye 2021 an soti epi montre kolaborasyon polisye ki t ap travay anndan an ak manifestan Repibliken yo
-Akoz vòl anndan magazen ki ogmante, otorite Lavil NY mande mèt magazen pou anpeche moun rantre nan boutik yo ak mask nan figi yo
-Hans Joseph Ludwig, ti komik Jovenel Moise te mete alatèt ULLC pou netwaye dosye li a finalman pran pòz l ap mete lòd dezòd, kòmkwa se kounyè a l ap lage chen dèyè vòlè nan leta
-Nouvo Minis Afè Etranjè Lachin nan Qin Gang di Etazini demay sou chenn li

Mobilizasyon pou manifestasyon KOMOKODA devan Konsila Kanada jedi 9 mas 2023, 3pm-6pm ansanm ak frè nou Fritzner Pierre

Liy ouvè ak oditè yo