Emisyon Eritye Papa Desalin pou madi 8 out 2023

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Mobilizasyon pou selebrasyon Seremoni Bwa Kayiman nan Prospect Park 2023 k ap fèt samdi 12 out soti 1pm nan Prospect Park Lakeside (Lakou Granbwa) - Rantre Parkside Ave ak Ocean Ave nan Brooklyn nan

Fòs ak Kouraj pou frè nou Vilcere Romulus ki pèdi ti sè li Jessie Romulus; KOMOKODA antoure li ak fòs nou, ak kouraj nou, ak lanmou nou

Nou prezante "12 Prensip Bwa Kayiman" ki se travay Profesè Pierre Michel Chery

Nouvèl:
-Anbasad Meriken anonse yo fèmen pòt yo jodi a akoz zam k ap chante bò lakay yo
-Negosyasyon ap fèt dèyè rido anba lobedyans yon blan Angle ki rele Jonathan Powell pou chita yon antant ant Ariel Henry ak sa yo rele opozisyon ki anfas li yo
-Fanmi jounalis Liliane Pierre Paul anonse lantèman li ap fèt samdi 12 out k ap vini an
-Asistan Sekretè Deta Meriken Victoria Nuland fè yon vizit kout zeklè nan peyi Niger pou l al menase gouvènman peyi a pou yo fè bak sou koudeta a epi renmèt ansyen prezidan tchoul restavèk Mohammad Bazoum pouvwa a
-Yon sistèm lajistis tèt anba nan peyi Pakistan k ap sèvi gouvènman Meriken an kondane ansyen Premye Minis peyi sa a Imran Khan pou l pase 3 lannen nan prizon
-Dènye nouvèl nan lagè Etazini ak bizawèl li yo ap mennen kont Larisi nan Ikrèn

Refleksyon nou sou jenosid Ameriken te fè sou Iwochima ak Nagasaki 6 ak 9 out 1945 apre batay te fini nan sa yo rele 2yèm gè mondyal la pou yo chache teworize tout peyi nan mond la

Repòtaj Kay Vwazen nan Repiblik Dominikèn ak sè nou Altagracia Jean Joseph; Entèvyou ak aktivis Reconoci.do Miguelito Theodor Lafleur ki nan zòn Igwey

Anons