Sound of freedom på kino i Ålesund

Ein sterk film, med eit både kontroversielt tema og eit kristent innhald, som er sett av fleire tusenvis i USA allereie. Filmen Sound of Freedom er basert på ei verkeleg historie, om FBI agenten som jaktar på bakmennene bak menneskehandel av barn. - Guds barn er ikkje for sal, seier agenten om kva som driv han i jakta på bakmennene. 

Ole-Andre Rønneberg i Gullskrinet har fått filmen til Noreg og fortel at filmselskapet har eit "pay it forward" system, som gjer at mange også får sett filmen gratis. Målet er å skape ei bevisstgjering rundt tematikken og nestekjærleik. Filmen blir vist på Odeon i Ålesund onsdag og torsdag, og endå lenger om mange ser filmen desse dagane.